...... قصيدة بعنوان ....
" نار الشوق " ..
أحـبـك مـن صـمـيـم القلب حـب الصادق الولهان
وأنا مـن لـوعـة الـفـرقـا يـهـلّ الـدمـع مـن عـيني
ألا يـا صاحـبي وينك ؟؟ أحــس بـضـيـقـة الندمان
ونـار الـشـوق مـا بـيـن الـحــنـايـا تصطلي فـيني
فـراقـك غـيّـر احـوالي .. فـراقـك ولــّع الـنـيـران
أنـا باصـبـر على الـفــرقــا عسى ربّي يـقــويني
يطول الوقت بالصاحب يذوق من الأسى حرمان
ودمــعــات الـمـحــب اللي على خــدّه عــنـاويني
ألا يـا وجــد حـالي مـن فـراق الارض والـخـلان
وصـكّـات الـزمـان اللي بـ سـهـم الـبـِعـد ترميني
وجود اللي يجي لآبـوه وبـيـن اثـنـيـنـهـم سجّان
ولا يـقـدر على قـربـه ودام شــهـــور وسـنـيني
مراسـيـم الخـيـال تصوّر الصورة على الاشجان
ولـحـن الـشـوق ثـارت مـنـه نـيـران وبـراكـيني
.. و سلآمتكم ....
كلمات
أخوكم
عقاب بن ممدوح المرزوقي
.. وهنا القصيدة مُنشدة ....
أداء / أبو حسن القحطاني ..
0 التعليقات:
إرسال تعليق