نعمل خلطه كده لتتبيل الاسماك والجمبرى وكل حاجه ممكن تخرج من البحر واضعها فى علبه فى الفريزر الخلطه دى عباره عن :
ثوم +فلفل اخضر حامى+فلفل احمر حامى +قليل من الزيت +ملح وكمون وخل ولمون ونطحنهم جيدا ودى تبقا الخلطه بتاعتنا اللى هنستخدمها فى تتبيل الجمبرى
اما بالنسبه للجمبرى : نقوم بغسله جيدا ونفتحه من الظهر من الرأس من فوق حتى الديل كأننا نبنقسمه اتنين ولكن لن نقسمهنفتحه بس مثل السمك السنجارى ونقوم بتتبيله بالخلطه السابقه ونقوم بحشو فتحه الظهر بقليل من الخلطه كده تبلناه لاء طبعا لسه فاضل المسترده بعد كده نقوم بتتبيل الجمبرى من الخارج بالماسترده جيدا ونتركهم نصف ساعه
نحضر طاسه كبيره ونقطع فى ارضيتها حلقات من البصل ونرشه بالملح والفلح ثم نرص على البصل الجمبرى وهو مفتوحمثل السمك السنجارى بس على وشه يعنى نخلى ظهر الجمبرى المتبل مفتوح على البصل والناحيه اللى عليها القشره من فوق على نار متوسطه حتى ينضج الجمبرى فنقوم بقلبه على الناحيه الاخرى ويكون مجهز زبده سايحه ونسقى بها الجمبرى بعد قلبه بحيث يكون الظهر المتبل فوق نسقيه بالزبده ونتركه دقائق ثم نقوم برصه فى طبق وحوله البصل اللى كان تحته بيكون طعمه رائع ويمكن عمل طبق رز صياديه بجانبه مع طبق سلطه خضراء بالمايونيز وبالهنا والشفا
0 التعليقات:
إرسال تعليق